Flija është gatim tradicional mjaft i preferuar nga shqiptarë, por edhe nga të huaj. Mënyra e gatimit është krejt e veçant, duke nisur që nga receta e deri tek mjetet e gatimit. Amvisa Leze Jubani, shpjegon në Quo Vadis mënyrën e gatimit.
“Bëjmë brumin, ujë, miell, kripë dhe e hollojmë. Më pas e marrin dhe e shtrojmë tepsinë këtu, njërën nga brumi që kemi bërë dhe pjesën tjetër ia hedhim pasi shtojmë qumësht, kos dhe një kokërr vezë. Kjo është salca dhe hedhim tre garuzhde. Të huajt nuk i njohin gatimet tona, por shqiptarët i pëlqejnë shumë. Edhe të huajt kur i provojnë thojnë shumë e shijshme”, shprehet ajo.
Interesi nga turistët e huaj mbi gatimet tradicionale shqiptare vjen në rritje.
