Elefantët meshkuj më të vjetër kanë një rol të rëndësishëm në mbijetesën e specieve duke kaluar aftësitë dhe njohuritë e tyre tek meshkujt më të rinj, sugjeron një studim i elefantëve afrikanë.
Kurse elefantet femra drejtojnë grupe vajzash dhe të vegjlit e tyre, ndërsa meshkujt rriten dhe largohen nga tufa.
Elefantët e pjekur luajnë një rol të rëndësishëm në udhëheqjen e këtyre meshkujve të rinj, kanë zbuluar studiuesit.
Dhe humbja e tyre nga gjuetua mund të ketë ndikime katastrofike, sipas një studimi të botuar në revistën “Scientifik Reports”.
“Dihet prej kohësh që femrat e moshuara janë udhëheqëse më efektive të tufave të shumimit për shkak të përvojës së tyre të zgjeruar. Ne sigurojmë mbështetje bindëse për një rol të ngjashëm të meshkujve të moshuar në shoqërinë mashkullore”, tha Connie Allen.
Studiuesit hetuan sjelljen e më shumë se 1,250 elefantëve meshkuj afrikanë të savanës që udhëtonin nga lumi Boteti në Parkun Kombëtar Makgadikgadi Pans, Botsvana.
Elefantët meshkuj të pjekur udhëtojnë përpara grupeve të meshkujve, duke sugjeruar që ata mund të jenë udhëheqës të rëndësishëm me njohuri të vlefshme ekologjike.
Ideja që meshkujt e moshuar të vetmuar bëjnë pak për mbijetesën e specieve është përdorur si një argument për të mbështetur gjuetinë e ligjshme të tyre.
Sidoqoftë, studimi i ri sugjeron që vrasja e elefantë meshkuj të moshuar mund të ketë pasoja katastrofike në heqjen e figurave kryesore në shoqërinë e elefantëve meshkuj.
“Elefantët më të vjetër kanë më shumë përvojë në përdorimin e mjedisit dhe lundrimit. Në studimin tonë kishin më shumë të ngjarë të drejtonin grupe të tëra të meshkujve. Kjo do të thotë se meshkujt e rinj synojnë të ndjekin këta elefantë për të thither nga njohuritë e tyre sociale dhe ekologjike. Heqja e këtyre individëve të rrallë, kryesorë mund të ketë ndikime katastrofike në popullatën më të gjerë të elefantëve dhe të çojë në përçarje të madhe në rrjedhën e informacionit midis brezave”, tha Connie Allen.
Meshkujt mendohej prej kohësh që ishin kryesisht kafshë të vetmuara pasi fituan pavarësinë dhe u larguan nga grupi i tyre i familjes. Por ka gjithnjë e më shumë dëshmi se meshkujt dhe femrat bëjnë jetë të pasura shoqërore.
Kjo ka qenë më e vështirë për t’u studiuar në elefantët meshkuj, të cilët enden në distanca të mëdha dhe janë më të vështirë për t’u gjetur.
Prof. Darren Croft i Universitetit të Exeter tha se puna e re nënvizoi se elefantët e vjetër meshkuj mund të veprojnë si depo për njohuri ekologjike si p.sh. kur dhe ku të gjesh ushqim dhe ujë, të cilat nga ana tjetër mund të shërbejnë për mbijetesën e meshkujve të rinj që shoqërohen me ta.
Këto janë arsye për studiuesit që të përjashtojnë kategorikisht gjuetinë e tyre ose përndryshe prishet cikli i jetës së elefantëve.
