Zv.kryeministri në detyrë i Malit të Zi, Dritan Abazoviç është përplasur me një turmë protestuesish të mbledhur në Podgoricë kundër tij, pas kërkesës që ai ka bërë për rrëzimin e qeverisë së Zdravko Krivokapiç.

 

Abazoviç u përball me protestuesit këtë mbrëmje para godinës së qeverisë Malit të Zi, njëri prej të pranishmëve ka përmendur faktin se ai është shqiptar.

 

“Jemi në vendin tonë. Shqiptarët nuk do të na komandojnë ne çfarë të bëjmë,”– tha njëri prej tyre.

 

Qytetarët e mbledhur me rastin e formimit të mundshëm të qeverisë minorance u shpërndanë në mënyrë paqësore pasi kanë marshuar para godinës së Qeverisë në kryeqytetin e Malit të Zi duke brohoritur “dil fëmijë” dhe “i mori lekët Dritani”.

 

Abazoviç mbështeti një mocion mosbesimi që pritet të shyrtohet në Kuvend ndaj qeverisë, ku ai bën pjesë. Kjo bëri që kryeministri Krivokapiç ta shkarkojë nga detyra. Është ende e paqartë se cila është mënyra si do zgjidhet kriza në qeverinë malazeze.

Leave a Reply

Your email address will not be published. Required fields are marked *