Samiti i liderëve evropianë mbi Ukrainën, presidenti Zelensky mbërrin në Paris

Presidenti Volodymyr Zelensky ka arritur në Paris për samitin e liderëve evropianë mbi Ukrainën dhe sigurinë në kontinent që do të zhvillohet nesër.

Emmanuel Macron po organizon këtë takim pas mbledhjeve të tij në shkurt dhe mars me liderët evropianë dhe ata të NATO-s për të diskutuar garancitë e mbrojtjes për Ukrainën.

Në këtë ngjarje do të mblidhen liderë dhe delegacione nga rreth 30 shtete, pjesë e asaj që është quajtur “koalicioni i gatshëm”, për të shqyrtuar disa ide.

Lideri ukrainas pritet të ketë një takim me presidentin francez gjatë ditës së sotme.