Ervin Salianji deklaron se Grupi parlamentar i Partisë Demokratike nuk ka një vendim të dakortësuar për kriteret apo mënyrën se si duhet të zhvillohet proçesi i negociatave!
Sipas deputetit, kriteri që Presidenti duhet të jetë politik është rrëzuar në mbledhjen e kaluar.
Deputetë të pranishëm në takimin e kaluar më konfirmojnë që në atë takim shumica e të pranishmëve e ka rrëzuar kriterin që Presideni i Republikës nuk duhet të jetë politik!
Sipas Salianjit, gjithë opozita ka një pikë përbashkuese.
PSSh nuk ka legjitimitetin për ta zgjedhur Presidentin e vetme, për këtë arsye i takon Partisë Demokratike dhe grupit të saj parlamentar të thërrasë në mbledhje të përbashkët gjithë deputetet opozitarë për të dakortësuar qëndrimin për kriteret por dhe personalitetet që mund të gjejnë konsensus të gjerë!
Reagimi i Salianjit, erdhi pak pasi Alibeaj deklaroi per mediat se grupi i PD kishte dakortesi mbi procesin e negociatave me mazhorancen per emrin e Presidentit.
