Kreu i Frymës së Re Demokratike, Sali Shehu përdori një gjuhë të ashpër pas sherrit që ndodhi për zyrat e partisë së vogël opozitare.
ë një reagim për mediat pas përleshjes së presidentit Ilir Meta me policët, Shehu deklaroi se askush nuk mund t’i marrë zyrat e FRD. Ai tregoi si ka vepruar pasi u njoftua për mbërritjen e policëve në seli.
“Dardha e ka bishtin mbrapa”, themi ne në Dibër. Nuk ka burrë nëne mbi tokë që t’i marrë këto zyra, se janë të FRD. As banditët e pushteti, as njeri mbi tokë. Jemi këtu për t’iu thënë shqiptarëve se jemi bashkë për një gjë më të mirë. As në kohën e Enver Hoxhës nuk ka ndodhur që të nxjerrës partinë nga zyra. Në mëngjes u futa në zyrë dhe prita të vijë stafi. Mora telefonatë poshtë, që më thanë se më kanë ndaluar hyrjen. Tentova të lidhem me z.Veliaj, por nuk më është përgjigjur. Unë njoftova të gjitha mediat dhe drejtuesit e shtetit, kryeministrin, kryetarin e bashkisë, presidentin, do të njoftoj edhe selitë diplomatike. Një gjë është e sigurt, kjo do të jetë epiqendra e situatës në Tiranë. Do ja dalim, se kemi bindje që gjithë partitë që janë rreshtuar në krah të kësaj situate, kanë mbështetje nga shqiptarët, këtë do ta vërtetojë 25 prilli dhe këta pastaj të gjejnë vend të futen. Kam njoftuar zyrtarisht prokurorin e Tiranës, që do të sjellë grupin e gatshëm për të vërtetuar dhunën e ushtruar ndaj stafit të FRD dhe Presidentit.”
Përkrah tij teksa jepte deklaratën për mediat ishte edhe nënkryetari i LSI, Petrit Vasili.
