Saimir Tahiri në Apel, sërish nuk ka vendim për ish-ministrin

Këtë të mërkurë ish-ministri i Brendshëm, Saimir Tahiri u paraqit tek Gjykata e Apelit kundër Korrupsionit dhe Krimit të Organizuar për t’u njohur me vendimin për kërkesën e tij.

Por pasi u tërhoq, trupa gjykuese vendosi që të shprehet në datën 26 qershor në orën 13.00.

Ish-ministri ju drejtua Apelit për të kërkuar rrëzimin e Shkallës së Parë dhe shpalljen i pafajshëm për të gjitha akuzat e ngritura nga prokuroria.

Një vit më parë, ai u dënua me 5 vjet burg, por që u konvertua në tre vjet shërbim prove.