Sabah Kerjota, surpriza e re e Kombëtares shqiptare

Sabah Kerjota është një nga risitë e listës së Shqipërisë për Nations League.
25-vjeçari shkodran ka marrë ftesën e parë nga Kombëtarja A pas një rrugëtimi të veçantë në futbollin europian.

Kerjota luan si sulmues krahu dhe aktualisht është pjesë e Heart of Midlothian, në Premiership-in skocez.

Ai u transferua te Hearts në vitin 2025, pasi më parë ishte aktivizuar për disa klube në Itali, përfshirë Vigor Senigallia dhe Sambenedettese.

Në sezonin aktual, Kerjota ka shënuar një gol dhe ka dhënë një asist në Premiership, duke fituar gradualisht hapësira në skuadrën skoceze.

Tashmë vjen momenti i madh: debutimi i mundshëm me fanellën kuqezi, në një ftesë që i jep një tjetër kapitull karrierës së tij.