Rusia i’a arrin qëllimit, FBI heton dokumentet e falsifikuara për Klinton

FBI dhe shërbime të tjera të inteligjenciës amerikane po ekzaminojnë disa dokumente të falsifikuara, që besohet se janë hedhur në qarkullim nga grupe të caktuara ruse, të cilat kanë patur për qëllim diskretitimin e kandidates demokrate Hillari Klinton. Në këto e-maile, – raporton “Reuters”, thuhet se fushata e kandidates demokrate mund të ndërmarrë masa ekstreme me qëllimin e vetëm për të siguruar fitoren. Mes skenareve që qarkullojnë është dhe ai për trazira civile. Por shërbimet amerikane theksojnë se emailet që qarkullojnë besohet se janë futur nga hakera rus me qëllim cënimin e besueshmërisë së procesit zgjedhor në SHBA.