“Një gjykatë në Moskë ka gjobitur Fondacionin Wikimedia, i cili zotëron Wikipedia në gjuhën ruse, për dështimin për të hequr një artikull në lidhje me “pushtimin rus të rajonit të Zaporizhzhia”, njoftoi të enjten media shtetërore ruse TASS.
Sipas TASS, një gjykatë në Moskë e shpalli fajtor Fondacionin Ëikimedia për mos heqjen e informacionit nga faqja e tij në internet dhe e gjobiti atë me 2 milionë rubla (24,500 dollarë).
“Në dokumentet e gjykatës thuhet se Wikipedia refuzoi të heqë artikullin në lidhje me armiqësitë në kuadër të operacionit special ushtarak dhe aneksimit të rajonit të Zaporizhzhia nga Rusia”, raporton TASS.
Rusia ka pretenduar se vendi ka nevojë për një platformë të ngjashme me Wikipedia, për shkak të informacioneve të pasakta që qarkullojnë.
“Rusia ka nevojë për ekuivalentin e saj të enciklopedisë online për shkak të shqetësimeve të Kremlinit për pasaktësitë, shtrembërimet dhe gabimet historike dhe faktiketë saj në Wikipedia”, sipas zëdhënësit të Kremlinit, Dmitry Peskov.
