Ukraina nuk gjen qetësi nga bombardimet ruse, këtë herë shënjestër e tyre ka qenë qyteti i Dnipros në Ukrainën Qendrore.
Sipas guvernatorit të këtij rajoni 3 persona kanë humbur jetën ndërsa 15 të tjerë janë plagosur si pasojë e bombardimeve.
Guvernatori shkroi në rrjetet sociale se raketat kishin goditur një fabrikë industriale e ku ishin shkaktuar dhe viktimat. Sipas tij ushtria ukrainase rrëzoi katër nga gjashtë raketat e hedhura në qytet.
Kievi gjithashtu ka akuzuar Rusinë se po përdorë termocentralin më të madh bërthamor në Evropë atë të Zaporizhias, si bazë për ruajtjen e armëve, duke përfshirë sistemet raketore.
Ndërkohë këtë të shtunë sirenat kanë rënë sërish në Kiev, duke paralajmëruar sulme ajrore.
