Një 22 vjeçar i identifikuar si Khalil Khalilov, është autori i vrasjes së 5 grave pranë një kishe në Rusinë jugore, pasditen e së dielës.
Pamjet e sigurisë kanë filmuar momentin kur i riu i afrohet kishës me pushkë në dorë, dhe fillon të qëllojë mbi njerëzit. Dëshmitarët thanë për mediat se autori i masakrës, i cili është banor vendas thirri “zoti është i madh”, dhe më pas qëlloi mbi viktimat.
Ai u vra nga forcat e sigurisë. 4 nga gratë humbën jetën në vendin e ngjarjes, ndërsa njëra ndërroi jetë gjatë operacionit pak orë më vonë. Pesë të tjerë, përfshirë dhe dy roje sigurie janë plagosur. Sipas disa raportimeve, pas këtij sulmi mendohet se qëndron ISIS.
