Në një kohë kur koronavirusi përhapet me shpejtësi në Rusi, rreth 500 kinezë rezidentë në qytetin e Khabarovsk vendosën që të mbyllen në një bllok apartamentesh, duke vendosur një regjim vetizolimi që prej 1 prillit.
“Patjetër që ne dëshirojmë të ikim në shtëpi. Por më kufijtë e mbyllur dhe me aludimet për një rikthim të koronavirusit, dhe për faktin qe biznesi im është këtu, ne detyrohemi të qëndrojmë në Rusi dhe të kujdesemi për veten”, tha 50-vjeçari, Liu Haijun.
Ai tha se shumica e kinezëve në Rusi janë ndërgjegjësuar për pasojat e epideminë.
“Mirëpo, pjesa më e madhe në Rusi nuk janë të informuar për rrezikun. Ata vijojnë të dalin në rrugë pa maskë dhe duke u përqafuar. Nëse njëri infektohet nga virusi, e sigurt që edhe të tjerët do të preken gjithashtu”, tha Liu, i cili ka një biznes veshjesh që prej 23 vitesh.
Presidenti Vladimir Putin i ka urdhëruar rusët që të punojnë nga shtëpia që prej 1 prillit dhe të ruajnë distancën fizike nga të tjerët në dyqanet e ushqimeve.