Edhe pse ishte paralajmeruar se luftimet do të fokusoheshin në lindje të Ukrainës pasi ishte përmbushur faza e parë, forcat ruse raportohet se kanë bombarduar Kievin edhe Lvivin.
Zëdhënësi i Ministrisë ruse të Mbrojtjes, deklaroi se forcat e armatosura kanë shkatërruan me raketa një fabrikë municionesh pranë Kievit.
Sulmet me bomba dhe raketa erdhën pas njoftimit e moskës se ajo do të intensifikonte sulmet raketore në shenjë hakmarrjeje për aktet e paspecifikuara të “sabotimit” dhe “terrorizmit”, disa orë pas fundosjes e luftanijes së saj “Moskva”, në Detin e Zi.
Ndërkohë,në Mariupolin e rrethuar vijojne luftimet e ashpra dhe qytet perballet me katastrofe humanitare. Zyrtarët rusë pretendojnë se kane pastruar të gjithë zonën urbane në qëndër të qytetit jugor.
Rusia ka kërkuar nga forcat ukrainase që ende luftojnë për të mbrojtur qytetin e rrethuar të dorëzojnë armët deri të dielën pasdite.
Ultimatumi vjen ndërsa Kremlini vazhdon sulmin shkatërrues në Mariupol.
