Rudina Hajdari ka vlerësuar vendimin e kryedemokratit Lulzim Basha për t’u rikthyer në tryzën e Këshillit Politik.
Në një reagim në “Twitter”, deputetja e opozitës parlamentare e konsideron një veprim pozitiv gatishmërinë e liderit demokrat. Megjithatë, Hajdari thekson nevojën për gjetjen e konsensusit mbi çështjen e ndryshimit të sistemit.
“E vlerësoj faktin që Lulzim Basha u shpreh i gatshëm për përfundimin e reformës zgjedhore. Është gjë pozitive që ai kthehet në KP, por gjithashtu duhet të pranojmë gjetjen e konsensusit mbi çështjen e ndryshimit të sistemit, në mënyrë që të arrijmë rezultate nga kjo tryezë”, thuhet në postimin e deputetes.
