Në mbledhjen e parë të Komisionit për Reformen Zgjedhore, Rudina Hajdari në cilësine e bashkekryetares, e konsideroi si shumë të nevojshëm ndryshimin e sistemit zgjedhor.
Sipas deputetes së re, ky sistem ka cuar deri atje sa një mandate të blihet deri ne 1 milion euro.
“Sistemi aktual është i dominuar nga anti-kushtetueshmëria, klasa politike nuk është e përfaqësuar nga njerëzit, por përfaqësohet në mënyrë të padrejtë në Kuvend. Kjo reformë kërkon vullnet të gjerë politik. Zgjedhjet kanë qenë problematike dhe janë përdorur shumë nga partitë e mëdha, dhe sistemi aktual ka qenë gracka e kësaj, duke mos i dhënë prioritet popullit.Kemi arritur në një pikë ku një mandat kushton gati te 1 milion euro. Sot nuk mund të futesh në Kuvend pa pasur fond të caktuar. Tregu i zgjedhjeve është kthyer në treg të zi të shit-blerjes së votës.
Hajdari tha se komisioni duhet të gjejë një sistem që nuk është i kapur nga partitë politike.
Ajo shtoi se vendimi I PD-LSI për të mos marrë pjesë në këtë komision jo domosdoshmërisht do ta pengonte komisionin që ti jepte shqiptarëve mundësine për zgjedhje te lira dhe te ndershme.
