Ish-ndihmës sekretari amerikan i shtetit ka dëshmuar në mbështetje të Hashim Thaçit për ditën e dytë rradhazai. Para trupit gjykues, Rubin ka shprehur shqetësimin e tij për procesin gjyqësor në Hagë.
“Nuk e kuptoja gjithë këtë, në qoftë se një gjë e tillë ishte normale apo jo, kam folur me juristë e avokatë që më kanë thënë se kjo është një mënyrë e pazakontë për një burrë shteti që është dorëzuar vullnetarisht”, tha Rubin.
Lexo edhe :
Related Posts
Rubin e qujati jo normal faktin se të akuzuarit kanë qëndruar në paraburgim për më shumë se 5 vite.
“Fakti që të akuzuarit janë në paraburgim në Hagë për më shumë se pesë vjet dhe fakti që ata janë dorëzuar vullnetarisht dhe fakti që janë mbajtur të ndaluar për kaq shumë gjatë më shqetëson. Mendoj që lidhet me politikën dhe me shtetin e së drejtës, dhe mua më shqetëson fakti që dikush të jetë i paraburgosur për pesë vjet përpara se të fillojë të ndiqet penalisht një çështje penale, ndërkohë që këta persona janë dorëzuar vullnetarisht dhe kanë qenë shumë bashkëpunues me gjykatën. Kështu që në rastin e të akuzuarit në fjalë, nuk e kuptoj fare se pse është dashur që të qëndrojë në burg për pesë vjet”, vijoi Rubin.
Ai po ashtu theksoi se fillimisht Shtetet e Bashkuara të Amerikës e përshkruan UÇK-në si terroriste, por ky mendim ndryshoi kur kuptuan situatën më mirë”.
“Ndoshta ne shkelëm dëshirën që të ishim në anën e engjëjve gjithmonë, sepse për një periudhë të caktuar kohore derisa e kuptuam më mirë situatën, ne fillimisht e përshkruam UÇK-në si organizatë që zhvillonte aktivitete terroriste dhe ne sigurisht me gjithë dëshirën që kishim të ishim në anën e engjëjve, ne nuk donim që të vidheshim apo të mbështesnim ata që zhvillojnë apo bëjnë aktivitete terroriste. Ky qëndrim pastaj ndryshoi me kalimin e kohës, veçanërisht pasi UÇK u pajtua me marrëveshjen e Rambujesë, dhe pastaj e konsideruam atë që ishin në anën e engjëjve sepse nënshkruan marrëveshjen e paqes”, tha Rubin.
James Rubin ka sqaruar edhe njëherë përshtypjet e tij për Hashim Thaçin në periudhën e Konferencës së Rambujesë.
P”ra, unë atë e kam parë si ministër të Jashtëm, që pasqyronte pikëpamjet e ushtrisë së vet, të qeverisë së vet, që nënshkruante, pra ashtu si një ministër i Punëve të Jashtme”, sqaroi Rubin.
Ish-ndihmës sekretari amerikan i shtetit kishte kritika edhe për OKB-në.
“Kam lexuar një raport të OKB-së për Kosovën, por kam qenë shumë skeptik për atë raport sepse organet e OKB-së nuk e kanë përshkruar shumë mirë situatën shumë shpesh. Kam qenë në dijeni të raportimit të OKB-së, por jo domosdoshmërisht ka qenë i besueshëm raporti. Raportet e Kryqit të Kuq ndërkombëtar zakonisht në fakt i konsideroja si më të besueshme”, tha ai.
I pyetur për takimet me Kadri Veselin, Rubin tha se nuk mund të përgjigjet sepse nuk i kujtoheshin, ndërsa për Rexhep Selimin u shpreh se është e mundur që ta ketë takuar.
