Ndërsa numri i viktimave në Filipinen Jugore ka shkuar në 200, ekipet e shpëtimit po kërkojnë për 160 persona të tjerë që janë raportuar të humbur.
Për shkak të rrëshqitjes së dherave dhe përmbytjeve të mëdha, ekipet e shpëtimit ende nuk kanë arritur në disa nga zonat e prekura në ishullin Mindanao.
70.000 njerëz janë zhvendosur nga shtëpitë e tyre. Përpjekjet e shpëtimit po pengohen nga shiu i vazhdueshëm, ndërprerjet e energjisë dhe rrugët e bllokuara.
Në orët e para të se dielës uragani Tembin, i njohur si Vinta në Filipine, është nisur drejt Vietnamit jugor, me erërat maksimale prej 120 km/h.
Sekretari i Përgjithshëm i Kombeve të Bashkuara Antonio Guterres tha se ishte i pikëlluar nga humbja e jetëve, duke shtuar se OKB ishte gati të ndihmonte.
Një nga zonat më të goditura ishte fshati malor Dalama ku shtëpitë janë mbuluar tërësisht nga balta.