Numri i pushuesve me Covid-19, që i drejtohen qendrave shëndetësore verore në plazhet e Durrësit, është rritur ndjeshëm.
Të rinjtë sipas mjekëve janë grupmoshat më të prekura, ndërsa krahas koronavirusit, pushuesit marrin trajtime edhe për probleme të tjera shëndetësore që hasin gjatë pushimeve.
Qyteti bregdetar gjatë sezonit veror operon edhe me katër qendra të tjera shëndetësore, përveç atyre ekzistuese, të cila janë të pajisur me bazën materiale e mjekësore të duhur, për t’i dhënë ndihmën e parë pushuesve.
Qendrat shëndetësore verore do të ofrojnë shërbim shëndetësor 24 orë pranë zonave turistike dhe do të jenë të hapura deri në përfundim të sezonit veror.
