Një aeroplan me 91 pasagjerë dhe 8 anëtarë të ekuipazhit, është rrëzuar në qytetin Karaçi në Pakistan.
Vetëm pak minuta pasi humbi nga radarët, mjeti fluturues i cili ishte nisur nga qyteti Lahore, u përplas në një zonë të banuar.
Ende nuk janë zbardhur rrethanat e ngjarjes por autoritetet bëjnë të ditur se piloti kishte raportuar probleme teknike. Numri i sakte i viktimave nuk dihet ende, ndërsa kanë nisur hetimet.
Ngjarja e rëndë ndodh vetëm një javë pasi Pakistani lejoi rifillimin e fluturimeve të cilat u pezulluan dy muaj për shkak të pandemisë.
