Teksa parlamenti është në prag të miratimit të ligjit për amnistinë fiskale dhe asaj penale, insitucioni kryesor i cili do të ti vërë vulën legalizimit të aseteve të fshehura, Drejtoria e Pastrimit të Parave jep disa detaje se kush do të jetë në fokus të këtij procesi.
“Vigjilenca e duhur do të jetë përgjatë gjithë kohës së zbatimit të ligjit. Por ajo që konsiderohet vigjilencë e zgjeruar do të jetë më së shumti tek transaksionet e dyshimta apo tek individët jo rezidentë, për të cilët do të jetë një vëmëndje më shtuar e verifikimit të deklaratës”, tha Elvis Koci nga Drejtoria e Parandalimit dhe Pastrimit të Parave.
Por ekspertët dhe biznesni kanë rezerva për këtë proces. Nga ana tjetër, ligji nuk kërkon asnjë dokument shtesë lidhur me burimin e pasurisë që do të deklarojë individi. Nuk kërkohet asnjë dokument shtesë për burimin, përcvec formularit ku evidentohen disa të dhëna personale të personit shumën apo pasurinë përkatëse.
Për biznesin, amnistitë janë forma më e keqe për të luftuar informalitetin, ndërsa ekspertët thonë se draftit i mungon analiza ekonomike.
“Përsëritja e amnistive më mënyrë të vazhdueshmë eshtë forma me e keqe për të luftuar informalitetin në vend, falja e gjoba dhe detyrimeve në mënyrë të vazhdueshme i stimulon biznesin të devijojë sërisht me synimin se një ditë të falen”, tha Alketa Uruci nga Dhoma Amerikane e Tregtisë.
“Në projektligj nuk ka një analizë ekonomike të mirefilltë lidhur me nevojat, përfituesit, përjashtuesit si dhe cfare fiton ekonomia nga ky ligj”, tha Ledion Shahini, ekspert ekonomie.
Edhe grupe të tjera interesi si dhe shoqata e bankave teksa zhvilluan një seancë dëgjimore online në Komisonin e Ekonomisë, thanë se ligji ka nevojë të detajohet dhe specifikohet në mënyrë që të bëhet I zbatueshëm.
