Rëshkitje dherash edhe në bashkinë Selenicë. Si pasojë e rëshqitjes së dherave është rrëzuar edhe rruga që të dërgon në drejtim të Sevasterit, Amantias, Ploçës. Aksi mbetet tashmë i pakalueshëm për automjetet e zonës.
Shirat e rënë në zonë kanë sjellë gërryerjen e bazës së rrugës që lidh fshatrat e njësisë Sevaster me qytetin e Vlorës. Aksi rrugor në afërsi të fshatit Ploçë është kthyer i rrezikshëm për banorët e zonës.
Rruga e dëmtuar nga shirat mund të kthehet në fatale për banorët. Siç shihet nga pamjet janë vetë banorët që kanë vendosur disa gurë për të ndaluar kalimin.Sipas tyre rruga është e rrezikshme dhe shkarja e dherave po vijon. Ata kërkojnë ndërhyrje pasi aksi bllokon disa fshatra.
