Gledis Gegaj, kuzhinieri i njohur edhe me emrin Buçko ka kaluar disa momente të vështira në “Ferma VIP”. Malli për familjen dhe gjithë të dashurit që ka lënë jashtë e ka bërë atë që herë pas here të shpërthejë në lot, por edhe për të lënë në mes rrugëtimin që ka nisur.
Por për ti dhënë atij më shumë forcë për të vijuar garën, Agai i ka bërë një surprizë shumë të madhe dhe i ka mundësuar një takim me nënën e tij.
Lexo edhe :
“Unë jam pak emocionale dhe kur më kujtohen disa momente nuk i mbaj dot lotët. Për një kohë të gjatë nuk u kam dëgjuar zërin familjes, se si janë. Jam shumë i lidhur me familjen dhe më mungojnë. Është një sfidë për mua, të mësohem edhe me pjesën tjetër që nuk i njihja. Kam edhe 2-3 persona që rri më gjatë dhe kaloj mirë. Është edhe mendimi se si po dukemi nga jashtë. Për mamin dhe nipat e mbesat më ka marrë malli më shumë. Me mamin ndaj çdo gjë, çdo vendim pyes atë. Kemi një lidhje shumë të fortë, është pika ime e dobët. Kam kaluar shumë festa dhe ditëlindje pa mamin. Kam ikur në Itali që 15 vjeç. Të dy e kemi ndjerë këtë largim. Jemi sforcuar të dy nga pak, sepse shkova në Itali për një jetë më të mirë dhe ishte zgjedhja e duhur që duhet të bëja.
Nuk kam dashur të më shikojë në këto momente dhe ndaj kam qëndruar larg. Nuk besoj që asnjë familjar nuk ndihet mirë kur shikon fëmijët duke qarë. Unë i kam ngjarë asaj dhe më shkojnë lotët vet.
Edhe me babin kaloj shumë mirë. Nuk kemi pasur asnjë herë probleme”, tha Buçko në rrëfimin e tij të ndjerë.
Pas takimit, Buçko dhe nëna e tij kanë shpërthyer në lot. Guzhinieri e ka pyetur nënën edhe për pjesëtarët e tjerë të familjes. Ajo e këshilloi djalin e saj që ta shijojë këtë eksperiencë unike, që i vjen një herë në jetë dhe i kërkoi të bëhet më i fortë./vizionplus.tv
