Tre shtetas janë arrestuar gjatë 24 orëve të fundit në Tiranë për dhunë në familje.
Eefektivet në Komisariatin e Policisë Nr. 1 bënë arrestimin në flagrancë të shtetasit S. V., 59 vjeç, banues në Tiranë. Arrestimi i këtij shtetasi u bë pasi, në Farkë të Madhe, në Rrugën e Agallarëve, ka shembur gardhin rrethues të banesës së motrës së tij dhe më pas ka ushtruar dhunë fizike ndaj saj, të cilës iu plotësua kërkesë-padia për lëshimin e urdhrit të mbrojtjes së menjëhershme.
Ndërkohe nga policët në Komisariatin e Policisë Nr. 6 u bë arrestimi në flagrancë i shtetasit I. L., 59 vjeç, banues në Tiranë. Ai kishte hyrë në Yzberisht, në banesë, në gjendje të dehur dhe ka ushtruar dhunë fizike ndaj vajzës së tij.
Ndërkohë në Vorë është bërë arrestimi në flagrancë i shtetasit R. M.., 57 vjeç pasi, në banesë, ka ushtruar dhunë fizike dhe psikologjike ndaj bashkëshortes dhe vajzës së mitur së tyre, të cilave iu plotësua kërkesë-padia për lëshimin e urdhrit të mbrojtjes së menjëhershme.
