Roskovec/ 3 në pranga për vrasjen, arrestohen dy djemtë e autorit të krimit si dhe një i afërm

Pas vetëdorëzimit të autorit të krimit të rëndë në Roskovec një ditë më parë, policia ka arrestuar 2 djemtë e tij: Ervis dhe Emaurisio Kuka, 21 dhe 18 vjeç si dhe të afërmin e tyre Tomor Zyka që ka përkrahur autorin e vrasjes së dy vëllezërve Lavdimir dhe Gramos Kurtaj.

Policia ka proceduar penalisht edhe babain e autorit për armëmbajtje pa leje.

Lexo edhe :

Related Posts

DETAJE/ Debatuan dy herë, më pas djemtë përplasën makinat! Zanafilla e një sherri që përfundoi me breshëri plumbash mbi vëllezërit Kurtaj

Tre breza në dy vrasje në Roskovec, çfarë zbuloi policia në arrestimin e dy djemve të autorit, roli i gjyshit

U vranë nga Altin Kuka pas sherrit të fëmijëve, përcillen për në banesën e fundit Gramos dhe Lavdmir Kurtaj

Vrasja e dyfishtë në Roskovec, si nisi gjithçka, fëmijët u zunë te pularia dhe ndërhynë prindërit

Krimi tronditës erdhi pas një debati për motive të dobëta mes punëtorit të pularisë në pronësi të Altin Kukës dhe djemve të dy viktimave Lavdimir dhe Gramos Kurtaj.

Pasi është konfliktuar me djemtë e viktimave, të moshës 21 dhe 25 vjeç,  punëtori duket se ka kërkuar ndërhyrjen e djalit të pronarit. Ata kanë shkëmbyer fyerje mes njëri tjetrit e më pas djemtë kanë përplasur edhe makinat me njëri tjetrin.

Kur mësoi për konfliktin nga djali i tij, autori i ngjarjes, Altin Kuka mori një automatik që e mbante në shtëpi dhe shkoi menjëherë në lokalin e vogël në pronësi të dy vëllezërve.

Ata ishin ulur në një tavolinë kur u përballën me autorin e armatosur që në debat e sipër i qëlloi me breshëri, duke i lënë të vdekur në vend.

Policia ndërkohë ka sekuestruar 1 automatik, 1 pistoletë, 1 armë gjahu, 4 krehra, municion luftarak, si dhe 5 automjete dhe 1 motoçikletë në cilësinë e provës materiale./vizionplus.tv