Ambasadorja e Bashkimit Europian ne Tiranë, Romana Vlahutin ka inauguruar rrugën qe lidh zonën e Shishtavecit ne Kukës me Kosovën.
E mrekulluar nga kjo zone siç tha diplomatja, ajo u beri apel banoreve te mos e braktisin këtë vend.
E pyetur ne lidhje me ndërtimin e një hidrocentrali ne këtë zone ajo dhe kryetari i Bashkisë se Kukësit u shprehen kundër çdo investimi qe dëmton natyrën.
Vlahutin: “Bashkimi Europian ka investuar me shume se gjysme milion euro për ndërtimin e kësaj rruge rreth 3 kilometër te gjate. E kemi bere për te përmirësuar cilësinë e jetës por edhe për te pasur shkëmbime tregtare me fqinjët. Malet i keni absolutisht te pabesueshëm, natyra këtu është e ngjashme me Zvicrën. Jeni ne një pozite qe mund ta shfrytëzoni. Ky vend duhet ruajtur, pasi është një habitat unik natyror. Është shume here me i rëndësishëm se çdo gjë qe mund te ndërtohet këtu”.
Nga veriu i vendit, ambasadorja e Bashkimit Europain bëri apel për me shume investime ne infrastrukturen e kesaj zone, ndërsa theksoi se ndërtimi i aeroportit do te jete zhvillim për këtë rajon.
