Pas një periudhe paqartësie, Ministria e Financave ka zyrtarizuar nismën e shumë kërkuar për rivlerësimin e pasurive të patundshme. Drafti për këtë nismë është hedhur për konsultim dhe parashikon që ai të nisë nga 1 janari 2026 deri në shtator.
Norma tatimore është parashikuar të jetë 5%. Por Parlamenti ka mundësinë ta ndryshojë ose jo këtë nivel tatimi. Rivlerësimi i pasurive është një nismë që ka interes të madh në treg, pasi çmimet e pasurive janë rritur ndjeshëm në vitet e fundit.
Rritja e çmimeve shoqërohet me më shumë pagesë të tatim-fitimit, i cili është në nivelet e 15%. Kjo normë tatimore konsiderohet e lartë dhe herë pas here bllokon tregun, pasi agjentët presin fushatën e rivlerësimit, që në rast shitjeje të pasurisë të paguajnë më pak tatime në buxhet./vizionplus.tv
