Kontratat e lobimit të Partisë Demokratike kanë sjellë një tjetër përplasje mes mazhorancës dhe opozitës.
Hetimi i prokurorisë dhe deklarimi i saj për misterin e 650 mijë dollarëve ka shtuar akuzat e ndërsjellta mes palëve.
Ndërsa lind pyetja se si qëndron e vërteta e këtyre kontratave? Kjo është një pyetje që pritet të marrë përgjigje nga hetimet dhe verifikimet si në Shqipëri, ashtu dhe në SHBA.
Ndërkohë për të dhënë më shumë detaje në lidhje me qëndrimin e PD-së për këtë çështje, në edicionin qendror të lajmeve në Vizion Plus këtë të hënë ka qenë ish sekretarin e përgjithshëm i partisë, Arben Ristani.
Zoti Basha dhe ju personalisht dëshmuat sot në prokurori për kontrat e lobimit. A mund të na tregoni detaje nga kjo dëshmi? Për çfarë ju pyetën?
Përgjigja është pak a shumë e njëjtë me atë që zoti Basha ka dhënë këtë të hënë për mediat kur doli nga Prokuroria, por unë do të doja që të theksoja se hetimi rrjedhimisht dhe dëshmia jonë aty nuk kanë të bëjnë me kontrata “Lobimi” në SHBA, por ka të bëjë me një hetim që prokuroria e Tiranës ka nisur në lidhje me deklarimin për fondet gjatë periudhës zgjedhore që PD ka bërë pranë KQZ, për zgjedhjet e 2017-ës. Pra çdo vit partitë politike bëjnë deklarimet e tyre pranë komisionit qëndror të zgjedhjeve në raport me fondet që kanë përdorur për fushatën elektorale. Dhe në këtë rast ka një hetim në lidhje me fondet që PD-ja ka përdorur për fushatën elektorale.
A janë përdorur para për lobimin në SHBA dhe sa?
Para mund të jenë përdorur por e rëndësishme është se nuk ka të bëjë me deklaratën për fushatën zgjedhore, ato që janë përdorur kanë qenë zyrtare janë deklaruar pranë KQZ-së, dhe kanë kaluar në rrugën normale ligjore, pra çdo veprim është bërë i saktë konform ligjit.
Investigimet e deritanishme tregojnë se pas kësaj shume qëndron një kompani e huaj, Biniata Trade, e cila zotërohet nga të tjera kompani në emër të shtetasve ruse. A keni dijeni për këto fakte?
E gjitha kjo është një kombinim që bëhet për momentin në mënyrë që të krijohet një amulli ose të bëhet një baraspeshë mes keqqeverisjes në këtë vend dhe opozitës që po mundohet çdo ditë që të tregojë jo vetëm për elektoratin, por për të gjithë shqiptarët se çfarë efektesh ka keqqeverisja.
Pra ju po thoni se është një sulm i orkestruar politik që përfshin edhe prokurorinë?
Absolutisht që është e dukshme se gjëja është e ndikuar politikisht, unë po ju them me siguri sot isha në prokurori për tu njohur me dokumentacionin që sipas tyre kanë ardhur sipas letërporosive që prokuroria shqiptare ka çuar.Unë po e them publikisht se mu bë prezent një kontratë që ishte pa firma, një kontratë midis një kompanie që quhet Biniata Tredë, e cila ishte pa firma, që ma bërë present prokurori por që unë i thash se nuk mund të më bënte present një dokument pa firma, kështuqë kam bindjen e plotë se e gjithë kjo është e ndikur politikisht sepse prokurori që unë takova nuk është aq i pazoti që të marrë për dokument zyrtar dhe të më njohë mua për më tepër me një dokument të pafirmosur.
Ky dokument ishte zyrtar nga SHBA dhe Skocia?
Nuk ishte dokument zotëria ma serviri si dokument i ardhur nga Departamenti i drejtësisë së SHBA-së, apo nuk e di se kush ka ardh nga ku, apo nga departamenti i Skocisë por di të them se ishte një dokument pa firma.
Në krahun tjetër kemi edhe një sasi të madhe parash të përdorura për të cilat zoti Basha thotë që janë paguar përmes një skeme tjetër, para të mbledhura nga një komunitet shqiptaro-amerikan në SHBA.
Ju e përcollët dhe në median tuaj atë që zoti Basha deklaroi pasi doli nga prokuroria dhe është vetëm kjo që unë po ju them, PD-ja ka kryer veprime të ligjshme konform ligjit shqiptar në lidhje me përdorimin e fondeve në fushatën elektorale. E gjitha kjo që ngrihet më pas është një thashethemnajë e madhe e bërë me qëllim që të vërë baraspeshë mes qeverisjes dhe opozitës, e cila po përpiqet që të bëjë më të mirën për këtë vend.
Prokuroria thotë se ju si PD ju mungojnë 650 mijë të justifikuara?
Edhe këtu keni një përgjigje të dhënë nga Basha, që prokuroria është e lutur që për hir të transparencë dhe për dijeni të publikut të bëjë prezente atë që na bëri dhe ne presence, dhe do të shikoni se si prokurori sot më njohu me një dokument pa firma. Le ta bëjë publike dhe ta shikojë publiku shqiptar se çfarë ka në thelb të gjithë kësaj farse të ngritur politikisht.
