Pas tetë vitesh, nga reforma territoriale administrative që e përqendroi qeverisjen vendore në 61 bashki dhe 12 qarqe, ajo do të rishikohet.
Nëse në 2014 ajo u bojkotua demokratët e drejtuar nga Lulzim Basha, në 2022-in, i përjashtuar nga ky proces është Partia Demokratike me kryetar Sali Berishën. Të mërkurën në tryezën e komisionit të posaçëm të reformës territoriale përballë socialistëve do të ulen vetëm deputetët mbështetës të Enkelejd Alibeaj.
Ende pa u zyrtarizuar propozimet, qasja kryesore e socialistëve nuk është korrigjimi i ndarjes së territorit por të përmirësimi i shërbimeve ndaj qytetarëve.
“Mbajtja nesër e mbledhjes së parë që quhet mbledhja e konstituimit do të biem dakord për hartimin e një objekti të punës së komisionit. Besoj se edhe opozita do i përmbahet objektit për ngritjen e komisionit Të bëjë një hulumtim të ecurisë së deritanishme të reformës së miratuar në 2014.
Biem dakord që janë shumë punë për tu bërë dhe për tu vlerësuar dhe për të parë edhe mundësinë e një roli më të ndryshëm, se ai aktual i qarqeve por edhe për të parë eksperiencat e deritanishme që qeveria ka qenë pararojë implementimit të një qasje rajonale. Jemi 8 vite pas miratimit të Kuvendit të Shqipërisë të Reformës Territoriale, kemi një përmirësim të shërbimeve publike, interesi ynë duhet të jetë shërbime më të mira tek komunitetit.
E vërteta është se ku ishim dhe ku jemi diferenca është shumë e madhe. Duhet ta shohim si një detyrë ndaj qytetarëve. A janë përmirësuar shërbimet ndaj qytetarëve. A është zvogëluar numri i të punësuarve. Vlerësimi im është që qarqet kanë humbur disi peshën e tyre. Të gjemë një mënyrë që të shkojmë drejt një organizmi më funksional rajonal. Ka dëshmuar se janë modele të suksesshme të mirë organizimit dhe funksionimit të punës. Besoj se mund të jetë dhe kjo një argument. Duhet një punë konkrete për të parë forma të reja të organizimit, ka një rekomandim që gjithmonë çështjet që lidhen me reformat duhet miratuar një vit përpara për të pasur kohë dhe besoj që në rastin e reformës territoriale Komisioni të marrë kohën e duhur. Besoj do të jetë e nevojshme një zgjatje e mandatet dhe duhet të biem dakord në kohë që kjo zgjatje të bëhet.”– Balla për mediat ditën e sotme.
Përveç, reformës territoriale, edhe ajo zgjedhore pritet të rishikohet. Komisioni i posaçëm për të mblidhet të premten ku priten të reflektohen rekomandimet e OSBE-ODIHR.
“Reformat duhen miratuar një vit e më parë, në rast të reformës territoriale , komisioni të marrë kohën e duhur nëse do të duhet në korrik për të zgjatur mandatin, do të jetë e nevojshme një zgjatje mandati, të bihem dakord që një zgjatje të jetë.
Sa i përket reformës zgjedhore, objekti i punës është i qartë, referencë janë rekomandimet e vëzhgimit nga OSBE- ODHIR. Në mes 15 prill dhe 15 maj duhen mbajtur zgjedhjet vedndore të ardhshme. Dua t’i sugjerojn opizitës që Shqipëria ka nevojë shumë për investimet”, tha Balla.
