Komisioni i Reformës ne Drejtësi ka mbyllur diskutimin ne parim per 11 kërkesat e Partisë Demokratike per ndryshimet kushtetuese. Pas 5 ore diskutimesh te dyja palët kane dale para medias optimiste per punën e bere deri tani, por megjithatë te kujdesshëm per ecurinë e reformës ne drejtësi ne ditët ne vijim.
Fatmir Xhafaj: Prandaj unë jam kryetar i komisionit që të bëjmë punën me hapa të matura, të kujdesshme, por të vendosura.
Konsensusi ka qene me i thjeshte për pikat per te cilat ka folur Komisioni i Venecias, siç është rasti i Prokurorit te Përgjithshëm, te cilit nuk do t’i ndërpritet mandati; konsensus është arritur edhe per procesin e vlerësimit te gjyqtareve e prokuroreve. Por arritja e nje marrëveshje ka qene me e vështire per çështjet e tjera. Partia Demokratike vlereson si moment qe gëzon mbështetjen e te gjithë palëve strukturën anti-korrupsion, por sipas saj mbeten për t’u zgjidhur emërimet ne institucionet e reja.
Eduard Halimi: Kjo ka të bëjë me pjesën e institucioneve të reja që do të ngrihen, pra me institucionet e përhershme që kanë të bëjnë jo me çështjet kundër korrupsionit në sistemin gjyqësor dhe në prokurori, por kanë të bëjnë me pjesën e emërimit, promovimit dhe disiplinimit të gjyqtarëve. Këtij komponenti i mungojnë kriteret e check and balance ndërmjet pushtetit gjyqësor dhe pushteteve të tjera, pasi mungojnë edhe pjesët e llogaridhënies së pushtetit gjyqësor, ka problem dhe me kapjen politike
Ndërkaq kryetari Xhafaj deklaron se pjesa me e madhe e kërkesave te PD është plotësuar, duke theksuar se çështja më e debatuar ka të bëjë me emërimin e institucioneve të reja. XhafaJ ka skicuar edhe kufijtë mbi te cilat PS është e gatshme te negocioje.
Fatmir Xhafaj: Korniza mbi të cilën është zhvilluar dhe do të zhvillohet deri në fund gjithë ky debat, në komision dhe më tej në seancë plenare, është opinioni final i Komisionit të Venecias. Dhe nga ana tjetër, kjo do të thotë se çdo lloj debati në këndvështrimin tonë nuk mund të jetë një debat që do të cenojë thelbin e reformës, duke ruajtur kornizën e Komisionit të Venecias, rekomandimet e opinionit final të Komisioni të Venecias mbi këtë shtrat, mbi këtë projekt shumë të mirë që kemi, ne jemi në gjendje që të mund të arrijmë në një konsensus që nuk do të cenojë thelbin e projektit.
Diskutimet gjate mbledhjes se komisionet janë zhvilluar ne parim dhe iu është lëne detyre eksperteve vendas e ndërkombëtare qe te bëjnë propozimet konkrete, e me pas do te mblidhet serish komisioni për te shqyrtuar draftin e hartuar prej tyre.
