Ministri Klosi mori pjesë në inaugurimin e shkollës “Llukë Mita”, në fshatin Konizbaltë të Urës Vajgurore. Godina e ndërtuar nga e para përveç se ofron kushte optimale, do të strehojë nën të njëjtën çati edhe fëmijët e kopshtit të fshatit Konizbaltë, duke ofruar shërbim cilësor për dhjetëra fëmijë të këtij komuniteti.
“Ne arritem qe te kishim bashkine kampjon qe ne 3 vite e pak ne te kemi mundesine qe nga 21 shkolla qe ka bashkia e Ures Vajgurore, 19 prej tyre te jene rinkonstruktuar plotesisht, te jene transformuar dhe sot te jene me standarde qe do ti kishte zili cdo shkolle ne Shqiperi, standarde qe edhe nga bashkepunimi i frytshem me “TAP”, që sot i ofrohet vajzave, djemve, femijeve te kesaj lagje, te rinjve qe do i kene keto ambjente jo vetem si shkolle, por edhe si qender komunitare, ku mund te organzojne aktivitete, por edhe nje simbol i nje rilindje rurale qe ne kemi ne programin e qeverise se Edi Rames”.
Klosi shtoi se buxheti 2019 është premtues veçanërisht për investimet në fshatra, për të zhvilluar jetën komunitare edhe në zonat rurale.
“Kjo është përpjekja jonë. Si do bëjmë që të kemi zhvillim ekonomik në zonat rurale? Edhe me buxhetin e ri të vitit 2019, zerimi i tarifave për inputet bujqësore është një kërkesë që e kam dëgjuar në çdo familje që kam hyrë në Urën Vajgurore dhe ne sot ajo po bëhet realitet. Pra, një jetë më e fortë nga pikëpamja ekonomike do të na japë mundësi që të kemi edhe investime të tilla si shkolla e sotme, e cila është një vepër jo thjesht një investim”.
Shkolla “Llukë Mita” ka rreth 70 nxënës ndërsa kopshti qe do te jete ne te njejten godine frekuentohet nga mbi 30 fëmijë.
