Rikthehet Uefa Champions League

Pas një pushim gati dymujor, magjia e Uefa Champions League rikthehet ne platformën Tring dhe Vizion Plus, me dy takimet e para te vlefshme për raundin e 1/8-ve. Ne “Park De Princ” luhet supersfida e mbrëmjes mes vendasve te Paris SG dhe londinezeve te Chelseat. Sfida mes dy skuadrave është kthyer tashme ne nje klasike, pasi kjo është hera e trete qe përballen me njëra-tjetrën dhe per me tepër e dyta ne turin e 1/8-ve. Blutë tashme me një trajner te ri Gus Hidink, kërkojnë te hakmerren nga eliminimi i vitit te kaluar dhe për me tepër, te shfrytëzojnë kaosin qe ka përfshirë skuadrën parisiene ne çështjen Aurier, i pezulluar per deklaratat e tij ndaj teknikut Blank dhe sulmuesit Ibrahimoviç. Duket se pas largimit te Hoze Murinjo, skuadra londineze po shuan pak nga pak dhimbjen ne Premier League, aktualisht ne vendin e 12-te. Gjithsesi përballë ka nje skuadër, e cila është e ambientuar me vendin e pare ne Ligue1, 24 pike aktualisht ndaj Monakos dhe kërkon te beje tashme hapin e madh ne turneun me prestigjioz te botes. Per kampionet e Francës, te cilët do te bazohen te treshja Ibrahimoviç, Tiago Silva dhe Tiago Mota pushim ndaj Liles te shtunën ne kampionat, mungojnë Orier Laveci ndërsa ne dyshim është Pastore. Ne kampin kundërshtar nuk është i pranishëm kapiteni Terri, Matic, Zuma kurse Oskar është ne dyshim. Ndërkohe ne Da Luz te Lisbones vendasit e Benfikes sfidojnë Zenit Shen Peterburg me tre lojtare te skuadrës ruse qe sfidojnë te kaluarën, Witsel, Havi Garcia dhe Ezekil Garay. Për te zotet e shtëpisë mungojnë Luizao Fejza dhe Lisandro Lopes ndërsa ne kampin kundërshtar Fajzulin, Smolnikov, Malavaev dhe Riazancev. Takimi i Lisbonës ka nje arome derbi edhe per trajnerin e Zenit, Andres Vila Boas me origjine nga qyteti i Oportos.