Pas një pezullimi disa mujor është rikthyer lotaria amerikane (Diversity Visa).
Departamenti Amerikan i Shtetit ka publikuar disa ndryshime të cilat do të hyjnë në fuqi nga 10 prilli 2026.
Çfarë është Programi i Lotarisë Amerikane?
Programi DV ofron deri në 55,000 viza emigrimi çdo vit për shtetas nga vende të ndryshme drejt SHBA-së. Fituesit përzgjidhen përmes një shorti kompjuterik dhe më pas kanë mundësi të aplikojnë për statusin e rezidentit të përhershëm (green card).
Cilat janë ndryshimet kryesore?
Kërkesa për pasaportë: Aplikantët duhet të kenë një pasaportë të vlefshme dhe jo të skaduar që në momentin e aplikimit.
Ngarkimi i skanimit: Duhet të ngarkohet një kopje në format JPEG e faqes së të dhënave personale dhe nënshkrimit në pasaportë.
Bashkëshortët dhe fëmijët: Kërkesa për pasaportë vlen vetëm për aplikantin kryesor, ndërsa familjarët duhet të paraqesin fotografi dhe të dhëna identifikuese.
Tarifë regjistrimi: Vendoset një tarifë e re prej 1 dollarësh për aplikim, e pakthyeshme.
Ndryshime në formular: Termi “gender” zëvendësohet me “sex”, ndërsa “mosha” zëvendësohet me “data e lindjes”.
A ka përjashtime?
Po, por të kufizuara. Përjashtimet vlejnë për persona pa shtetësi, shtetas nga vende me regjime komuniste që nuk mund të pajisen me pasaportë, ose për ata që kanë një përjashtim të miratuar nga autoritetet amerikane. Këta aplikantë duhet të paraqesin prova përkatëse.
Kur hyjnë në fuqi ndryshimet?
Rregullorja e re hyn në fuqi më 10 prill 2026 dhe do të zbatohet për programin DV-2027.
Çfarë do të thotë kjo për aplikantët?
Koha për pajisjen me pasaportë ndryshon nga vendi në vend, ndaj kandidatët këshillohen të sigurojnë sa më shpejt një pasaportë të vlefshme për të shmangur vonesa ose skualifikim.
Kur hapen aplikimet për DV-2027?
Departamenti i Shtetit ka shtyrë hapjen e aplikimeve për shkak të ndryshimeve të reja dhe ende nuk ka njoftuar një datë të saktë. Megjithatë, periudha e aplikimit për fituesit mbetet nga 1 tetori deri më 30 shtator 2027./vizionplus.tv
