Rreziku I djegies të sipërfaqeve pyjore është shfaqur sërish të mërkurën në pjesën shqiptare të Prespës, pasi kanë pushuar reshjet e shiut dhe ndihmës me avionë uji nga Greqia.
Tendenca e riaktivizimit të vatrave të zjarrit është e pranishme midis fshatrave Cerje dhe Rakickë. Forca të shumta të shërbimit pyjor, nga shërbimi zjarrfikës I bashkive Pustec e Devoll, të ushtrisë dhe policisë kufitare janë vënë në gadishmëri për shuarjen e flakëve.
Por terreni I vështirë malor I pengon këto forca të ndërhyjnë me mjete dore për izolimin dhe fikjen e plotë të vatrave të zjarrit.
Ndërkaq, edhe mungesa e mjeteve të bashkive Pustec e Devoll që kanë zjarrfikse të përshtatura apo krejt të amortizuara e bën thuajse të pamundur ndërhyrjen në këtë mënyrë. Pas gati 48 orësh në aktivitet, vatra masive e zjarrit të rënë në sipërfaqet pyjore dhe kullotat e zonës të Prespës shqiotare u duk se u eleminua pasditen e së martës.
Angazhimi I përbashkët I forcave njerëzore me ndihmën që erdhi nga Greqia, si dhe reshjet e shiut bënë të mundur shuarjen e përkohëshme të vatrave të zjarrit. Llogaritet se reth 40 hektarë me pyll e kullota janë dëmtuar nga rënia e këtij zjarri në afërsi të fshatrave Cerje dhe Rakickë gjatë dy ditëve të aktivitetit të tij pa ndëprerje.
