Janë aktivizuar përsëri vatrat e zjarrit në Seman. Në vendngjarje ndodhet zjarrfikësja e repartit Fier. Zjarri ra ditën e djeshme rreth orës 18.00 dhe u vu nën kontroll gjatë natës.
Por përsëri pylli me pisha e shkurre është përfshirë nga flakët paraditen e kësaj të hëne.
Sipërfaqja nën flakë është e konsiderueshme. Vendi ku ka rënë zjarri është një pyll i dendur me pisha, në zonën e Semanit, në vendin e quajtur Godull .
Terreni është i vështirë për shkak se aty ndodhen shkurre dhe ferra të mëdha që rrezikojnë përfshirjen nga zjarri të Kurorës së Pishave në Seman.
Zjarri favorizohet edhe nga era dhe temperaturat e larta.