Per lëvizjen “5 Yjet” te komedianit Beppe Grillo, raundi i pare i zgjedhjeve lokale ne Itali shënoi nje rezultat historik, pasi rezulton force e pare politike ne kryeqytetin Rome dhe ne Torino, nje nga qendrat me te rëndësishme te vendit. Kandidatja e saj per kreun e Bashkisë se Romes, juristja 37-vjeçare Virginia Raggi siguroi 35 perqind te votave kundrejt rivalit te Partisë Demokratike te kryeministrit Renzi, Roberto Giachetti me 24 perqind. Ata do te ndeshen ne balotazh ne 19 qershor.
Virginia Raggi: Jemi ne nje moment historik. Kjo ishte vetem pjesa e pare, pasi do te jete edhe nje tjeter, finalja, dhe une mund te jem kryebashkiakja e pare femer e Romes. Qytetaret e kuptuan dhe nuk i besojnë me premtimet e sloganet elektorale dhe po tregojnë besim tek nje levizje politike qe po prezanton nje projekt qeverises serioz dhe transparent. Jam gati te qeveris dhe t’i kthej Romes shkëlqimin.
Ne keto zgjedhje fituesit do te dalin nga balotazhi ne 5 qytete te rëndësishme. Ne Torino ne balotazh do te jete nje tjeter kandidate e “5 yjet” Chiara Appendino me kreun aktual te bashkisë Piero Fassino. Ne Milano dy kandidatet e Qendrës se Majte dhe Qendrës se Djathte jane koke me koke, ndërsa ne Bolonja kryebashkiaku aktual përballet me nje kandidate te Qendrës se Djathte. Ne Napoli do te perballen dy rivale nga e majta dhe Qendra e Djathte. Zgjedhjet ishin nje test per kryeministrin Renzi përpara zgjedhjeve parlamentare te 2018-es dhe rezultati i “5 Yjet’ shënoi sukses per nje tjeter parti populiste dhe euroskeptike.
