Drejtorja e Agjenicsë për Dialog dhe Bashkëqeverisjen, Eridana Cano e ftuar në studion e lajmeve në Vizion Plus ka folur për mënyrën se si u zhvillua Këshillimi Kombëtar.

 

“Këshillimi Kombëtar është një proces për mendimmarrjen e qytetarëve shqiptarë përmes një pyetësori. Një pyetësor i lehtë që ka shkuar në çdo familje shqiptare, gjithashtu kanë pasur mundësi ta plotësojnë edhe përmes E-albania”, tha Cano.

 

Ajo theksoi se ne tavolinën qeverisëse janë diskutuar çështjet që kanë pasur dilema dhe që duhem mendimi i qytetarëve.

 

“Jemi konsultuar edhe me institutin e statisikave për formulimin e pyetjeve. Nuk është as sondazh, as referndum. Ky është hapi i parë, një proces që nuk e ka bërë asnjë qeveri me përpara. Qytetarët janë ndjerë të përfaqësuar dhe të përfshirë. Nëse ne do të kemi nevoje për nje referendum do të ishte një opsion i dytë”, tha Cano.

 

Përsa i përket vërtetësisë së rezutatave, ajo theksoi se sistemi ka të dhënat e këtij procesi.

 

“Minimalisht mund të shkoni të pyesni qytetarët anë e mbanë Shqipërisë, mënyrën se si e kanë dhënë opinionin. Sistemi është aty, ka të dhënat e këtij procesi. Ajo ç’ është më vështira, është feedback që do të ketë qeveria në kthimin e këtyre përqindjeve në nisma konkrete”, theksoi Cano.

Leave a Reply

Your email address will not be published.