Si gjithmonë spektakël dhe gola kane dhuruar takimet e kampionatit portugez te transmetuara te shtunën ne paketën Tring.
E ka nisur Benfika qe ka shkatërruar nen shiun e rrëmbyer te Lisbonës Maritimon 5-0 ne ndeshjen e vlefshme për javën e 25 te kampionatit dhe tashme është e vetme ne vendin e dyte me tre pike distance nga rivalet e Sportingut ne vendin e trete dhe pese me pak se Porto e vendit te parë.
E kane zgjidhur shpejt ndeshjen vendasit teksa kane gjetur golin qe ne minutën e 16 me Jonas për te dyfishuar me Grimaldon dhe për ti çuar shifrat ne 4-0 brenda 42 minutave te para me Zhonas qe ngjitet ne kuotën e 30 golave sezonale duke pasur me shume se kushdo tjetër ne Europe pas 25 ndeshjeve te luajtura. Braziliani 33 vjeçar është ne rrugën për tu shpallur golashënuesi me i mire i ligës portugeze gjithsesi ka ende rruge deri ne fund te kampionatit.
Ne pjesën e dyte edhe një gol i Zivkovic sa për statistike ndërsa Maritimo kishte mbetur me 10 lojtare ne fushe. Ne ndeshjen tjetër Braga ka shkatërruar Estorilin ne transfertë 0-6 dhe e zhyt ne krize totale duke e lenë ne vendin e parafundit ne renditje.
Braga e ka mbyllur 0-3 pjesën e pare me gola te Eduardos, Paulinhos dhe Hortes ndërsa ne te dytën është Paulinho Fabio Martins dhe Horta qe e afrojnë Bragen shume pranë Sportingut te vendit te trete me vetëm 4 pike me pak dhe plot 18 diference nga vendi i peste.
Ne Belgjikë është luajtur java e parafundit e sezonit te rregullt përpara nisjes se plejofit dhe Standardi i Liezhit hedh një hap te rendesishem për te hyre ne zonën europiane. Edhe pse e ka nisur keq ne pjesën e pare kundër Mechelenit teksa dy here është gjendur ne disavantazh vendasit kane arritur qe serish te barazojnë.
Bande shënoi ne minutën e 5 për miqtë ndërsa Emond barazoi ne te 34 por ne krahun tjetër Mera i çoi serish ne avantazh miqtë ndërsa Luindama me koke ne shtesën e pjesës se pare rivendosi serish baraspeshën.
Me te nisur pjesa e dyte Karlinjos rezulton një zëvendësim perfekt pasi shënon golin e trete dhe i kalon vendasit për here te pare ne avantazh. Mund te kishin shënuar edhe një tjetër gol nëse Marin nuk do te gabonte nga pika e bardhe por gjithsesi tre piket mbeten ne Liezh dhe Standardi hyn ne zonën e plejofit duke përfituar edhe nga fitorja e Byzhit ne shtëpi ndaj Kortrijkut 2-1.
Edhe ky takim i transmetuar ekskluzivisht ne Tring pa vendasit fillimisht ne avantazh me një gol te Diabit por miqtë barazuan me Penallti me ane te Stojanovic.
Ne fund ishte Limbombe qe shënoi dhe golin e fitores për Bryzhin qe është i pari dhe thellon diferencën me Anderlechtin e vendit te dyte dhe ka 22 pike me pak.
