Shqipëria ka shënuar sot një numër rekord të shëruarish. Gjatë 24 orëve të fundit, 230 qytetarë kanë fituar betejën me COVID.
Genta Qirjako nga Instituti i Shëndetit Publik njoftoi se këtë të enjte humbi jetën një 66-vjeçar nga Kukësi, me sëmundje bashkëshoqëruese. Po ashtu, janë konfirmuar 157 raste të reja pozitive, nga më shumë se 1 mijë testime të kryera.
“75 raste në Tiranë, 10 në Korçë, nga 9 raste në Durrës, Berat, nga 6 raste në Fier, Gjirokastër, 5 në Vlorë, 4 në Kuçovë, nga 3 raste në Shkodër, Elbasan, Kavajë, Lushnje, Mirditë, Divjakë, nga 2 raste në Tropojë, Kamëz, Mat, Maliq, nga 1 rast në Kurbin, Devoll, Malësi e Madhe, Prrenjas, Bulqizë, Gramsh, Patos.”
Aktualisht në spitalin Infektiv dhe “Shefqet Ndroqi” po trajtohen 203 pacientë, 20 në terapi intensive nga të cilët vetëm 6 pacientë janë të intubuar.
Shpërndarja gjeografike e rasteve aktive sipas qarqeve:
Tiranë 2631
Durrës 582
Shkodër 391
Elbasan 299
Lezhë 291
Korçë 251
Fier 247
Vlorë 194
Kukës 149
Berat 116
Dibër 111
Gjirokastër 79
