Rekord fitimesh për Juventusin…

Në një kohë që duhen edhe 12 ditë nga çerekfinalja e madhe e UEFA Champions League, Juventus -Barcelona, klubi Italian ka bërë të ditur se të gjithë biletat për sfidën e parë në këtë çift janë ezauruar. Natyrisht kjo është një përballje spektakolare dhe shumë e rëndësishme për sezonin e Juventusit, kështu që tifozët e skuadrës bardhezi nuk mund të humbisnin shansin të ishin në stadium në një ndeshje të këtij niveli, aq më teper që kundërstar do të jetë Barcelona e Leo Messit. “Pas fazës së konfirmimit të biletave nga të abonuarit, dolen në treg sasia e mbetur e biletave e cila u shit brenda një kohe të shkurtër” , shpjegoi klubi Italian në një komunikatë për mediat. Bashkë me shitjen e plot 41 mijë e 507 biletave aq sa mban ky impiant, pritet që Juventus të arkëtojë edhe nje shifër rekord të ardhurash nga kjo ndeshje e cila parashikohet të jetë më e madhe se 3.3 milion euro që u fituan nga gjysmëfinale e Champions League në 2014-2015 kundër Realit të Madridit. Kujtojmë që në datat 11 dhe 12 prill UEFA Champions League do te ofroje 4 superperballje ne takimet e para çerkefinale të cilat do të transmetohen në platformën Tring dhe Vizion Plus, e ku padiskutim vëmendja më e madhe do të jetë e përqëndruar tek Juventus-Barcelona dhe Bayern Mynchen-Real Madrid.