Kodi zgjedhor dhe reforma në drejtësi duket se vijojnë të jenë dy kushtet e kërkuara me ngulm nga Bashkimi Europian.
Ambasadori i BE, Luigi Soreca, deklaroi nga Berati se qeveria dhe opozita duhet të bëjnë më të mirën për vendin pasi vendi po hynë në një periudhë të rëndësishme në lidhje me integrimin.
“Tani po hyjmë në një periudhe mjaft të rëndësishme siç është marrëveshja për kodin zgjedhor dhe reforma në drejtësi. Përpara na pret një javë e rëndësishme për qeverinë dhe opozitën që të bëjnë më të mirën për vendin, për të bërë atë që kërkon koha dhe kjo kohë është tani.”
Ambasadori Soreca tha më tej se në këto 90 ditë të prezencës së tij në Shqipëri ka parë progress në lidhje me arritjen e rekomandimeve të vendosura nga BE.
