Kombëtarja shqiptare e futbollit mbylli përfundimisht ëndrrën e saj për në ”Katar 2022”. Kuqezinjtë u masakruan me rezultatin e thellë 5-0 nga gjigantët e Anglisë në Uembli. Një lojë zhgënjyese nga skuadra e Rejës, që u ndëshkua që në pjesën e parë me 5 gola. Protagonistë për anglezët u bënë Meguajer, Heri Kejn 3 herë dhe Henderson. Mundësi të mirë kishte Myrto Uzuni, i cili doli vetëm për vetëm me Gardinin Pikford, por ky i fundit ndali gjithçka.

Pas ndeshjes tekniku italian , Edi Reja analizoi humbjen, ndërsa i dha të gjitha meritat kundërshtarit:

 

EDI REJA

TRAJNER I KOMBËTARES

 

”Janë më të fortë edhe në planin fizik. Kur gjen një Angli si kjo duhet të mundohesh të përmbash  kundërshtarin dhe të përmbysesh situatat, por nga pikëpamja fizike kishte një diferencë të madhe. Në pjesën e dytë u sistemuam e luajtëm me personalitet, por edhe ata u ndalën pak. E qarkulluan topin. Bëra disa ndryshime duke hedhur lojtarë në planin fizik, por ishte e kot ata ishin shumë më të fortë se ne.

 

Një tjetër lajm i keq është dhe dëmtimi i Kumbullës apo Bares që u detyruan të linin fushën përpara kohe, ndërsa Cikalleshin dhe Gjasulën nuk luajnë në duelin e fundit ndaj Andorës pasi kanë plotësuar numrin e kartonëve.

 

Pas kësaj disfate Shqipëria mbetet në vendin e tretë me 15 pikë, ndërsa Anglia dhe Polonia marrin zyrtarisht një biletë më tej. Ndeshja e radhës për kuqezinjtë është këtë të hënë përballë Andorës. Në stadiumin Air Albania .

Leave a Reply

Your email address will not be published.