Rei Manaj mund të bëhet futbollisti i parë shqiptar që aktivizohet në një ndeshje zyrtare me Barcelonën.Kjo pasi ai është grumbulluar për ndeshjen e parë të katalanësve ndaj Real Sociedad.
Katapultimi i Manajt në ekipin e parë të Barcelonës vjen pas paraqitjeve dinjitoze me gola në miqësoret e verës.
Manaj ka kryer një fazë përgatitore të mrekullueshme, ku në 2 ndeshje realizoi 4 gola, 3 ndaj Gimnastik dhe 1 ndaj Gironës.
Tashmë futbollisti i kombëtares shqiptare do të ketë mundësinë të luajë përballë më të mirëve në La Liga, por çdo gjë do të varet nga vetë ai.
Vlen të përmendet që situata e komplikuar e federimit të lojtarëve të Barcelonës në La Liga erdhi pas uljes së ndjeshme të rrogës nga ana e kapitenit Gerard Pique.
Klubi ka sqaruar se grumbullimi i Rei Manajt u diktua nga rregullat e vendosura nga federata.
Sipas njoftimit te Barcelones, bashkë me Manajn janë federuar edhe blerjet e reja Memfis Depaj dhe Erik Garcia.
