16 është numri i rasteve të reja të identifikuar me koronavirus.
Bëhet publike edhe mosha mesatare e 259 të infektuarëve në 17 qytete të vendit.
Në Spitalin Infektiv të Tiranës nën kujdesin e mjekëve janë 79 paciente.Në terapi intensive janë shtatë.
Të shëruarit që vazhdojnë vetizolimin dhe nën vëzhgimin e mjekëve regjistron rritje. Nga të gjithë të infektuarit 25.8 për qind e tyre janë shëruar.
Harta e qyteteve të prekura nga Covid-19 prej disa ditësh vazhdon të mos zgjerohet. Të shtuarit me virus janë në Tiranë, Durrës, Kavajë dhe Korçë, e kryesuar nga kryeqyteti me 140 raste, më pas Durrësi, 29 dhe i treti Fieri me 23. Në mbyllje të muajit Mars, nga testimet e kryera dhe identifikimi i të prekurve rezulton se shkalla e përhapjes së koronavirusit është 15.5 për qind.
