Reforma zgjedhore/ “Zbarkojnë” në Tiranë ekspertët e OSBE/ODHIR

Ekspertët e OSBE/ODHIR kanë mbërritur në Tiranë këtë të martë. Ata do të japin kontributin e tyre në diskutimet për reformën zgjedhore dhe do të ndërhyjnë në rastet kur nuk gjendet dakordësi mes palëve.

Po ashtu, ekspertët do të vëzhgojnë me kujdes nëse në do të zbatohen apo jo rekomandimet e OSBE/ODHIR. Pritet që në orën 17:00 të kësaj të marte ata të zhvillojnë takimin e parë me grupin e punës për t’u informuar për punën e bërë deri tani.

Damian Gjiknuri, Oerd Bylykbashi, Petrit Vasili dhe Rudina Hajdari u ulën në një tryezë të përbashkët pak kohë më parë, duke lënë mënjanë ndasitë politike për refornën zgjedhore. Ky hap u përshëndet edhe nga ndërkombëtarët.