Gazetari Sokol Bregu është shprehur i zhgënjyer nga reformimi i sistemit të drejtësisë ndërsa tha në ‘Quo Vadis’ se pritej një rritje e cilësisë dhe jo ndryshim emrash në rradhët e magjistratëve.
Bregu u shpreh se Reforma në Drejtësi përjashtoi nga sistemi qindra njerëz që kanë dhënë dënime të përjetshme ndërsa tani, ata mbajnë detyrën si avokatë në mbrojtje të klientëve të tyre.
“SHBA-të janë partneri ynë kryesor dhe ne duhet të prisnim nga sistemi i drejtësisë atë që ndodh në Amerikë. Ne prisnim një rritje në cilësi dhe rritje të gjyqësorit. Ndryshimi i emrave nuk mund të jap asgjë thelbësore. Ajo që nuk u mendua është që ne larguam nga sistemi shumë persona me eksperiencë, që krejnë sot detyrën e avokatit. Njerëzit me eksperiencë i kemi vënë në këtë mënyrë në detyrën e avokatit Shumicën e dënimeve të përjetshme i kanë dhënë këta personat që i kanë larguar nga sistemi i drejtësisë. Flakëm nga Drejtësia, njerëz që dhanë 763 dënime të përjetshme, vetëm dy prej tyre ka dhënë SPAK.”
