Ish-kryeministri Sali Berisha dhe Komisioni i Rithemelimit ka thirrur rreth 76 mijë demokratët për të votuar shkarkimin e Lulzim Bashës nga posti i kreut të PD.
Në të gjithë vendin janë ngritur 106 qendra votimit. Procesi nis në orën 8:00 dhe përfundon në orën 17:00.
Sali Berisha dhe anëtarët e Këshillit Kombëtar nuk do të votojnë si zakonisht në selinë e PD, por kanë zgjedhur një lokal pranë ambasadës amerikane për të votuar për shkarkimin e Bashës.
Shumica e kryetareve te degëve është në mbështetje të Lulzim Bashës dhe nuk e njohin referendumin, e për këtë arsye ditën e shtunë selitë e PD në rrethe do të jenë të mbyllura.
