Reali synon trofeun e 12 në Europë, Isco titullar

Rreal Madrid vjen në finalen e Champions League me petkun e kampiones së freskët të La Ligës, e po ashtu mbajtëse në fuqi e këtij trofeu duke shpresuar se do të fitojë titullin e dytë radhazi.

Stërvitja e fundit në Kardif shkoi qetë për Los Blankos të cilët i kanë rikupëruar të gjithë lojtarët që ishin të demtuar.

Nga këta Karvahal dhe Varan do të jenë titullar, ndërsa Bejl i cili është idhulli i vendasve në Kardif do ta nisë nga stoli për t’i lënë vend Isco që së bashku me Ronaldon do mbështesë Benzeman.

Në konferencën e fundit Zidan tha se ishte një ndeshje e barabartë teksa vlerësoi Juventusin si ekip shumë të fortë jo vetëm në mbrojtje, ndërsa Ramos e konsideroi një privilegj sfidën me bardhezinjtë.