Real Madrid u rikthye tek fitorja ne javën e 15 të kampionatit spanjoll duke mundur me goleadë Sevillen 5 me 0.
Madrilenët ndonëse me shumë mungesa ne formacion ku aktivizoheshin si titullarë të Valleho, Hakimi, Nacho, Lukas Vaskez dhe Markos Asensio, dhuruan spektakël duke zhvilluar sidomos një pjesë të parë të shkëlqyer. Mbrojtësi Nacho Fernandez hapi serine e golave që në minutën e 3 për t’ia lënë vendin dygolëshit të Cristiano Ronaldos në minutat 23 dhe ne te 31 me 11-metersh. 7 minuta më vonë ishte Toni Kroos që i dërgoi shifrat në 4 me 0 ndërsa në fund të pjesës së parë mbrojtësi i ri Achraf Hakimi shënoi edhe golin e pestë.
Në pjesën ë dytë Reali u sforcua shumë pak duke administruar rezultatin e thelle të pjesës së parë.
Pas kësaj fitoreje madrilenët e Zinedine Zidane ngjiten ne 31 pikë, 5 pikë më pak sesa Barcelona kryesuese e cila luan këtë të diele në fushën e Villareal.
