Real Madrid fitore “in extremis”

Kampionët në fuqi të Champions League, Reali i Madridit ka arritur një fitore “In Extremis” 2-1 ndaj Sportingut të Lisbonës në Santiago Bernabeo. Në takimin që keni patur mundësi ta ndiqni drejtpërdrejtë në Vizion Plus, djemtë e Zidanë kanë përmbysur në gjashtë minutat e fundit disavantazhin 0-1 të miqve. Fillimisht ka qenë Kristiano Ronaldo, i cili baraoi shifrat dhe pesë minuta më vonë Morata shënon golin e tij të parë me madrilenët në ligën e kampioneve. Ndërkohë në takimet e tjera ranë ne sy barazimi pa gola i Juventusit përballë Seviljas. Gjermanët e Borusia Dortmund shkatërruan 6-0 në transfertë Legian e Varshavës, Lion mundi 3-0 Dinamon e Zagrebit, ndërsa Totenhem humbi në shtëpi 1-2 nga Monako. Ndeshja e shtyre mes Mancester Sitit dhe Borusia Myshengladbah përfundoi me fitoren e thellë 4-0 të skuadrës angleze të drejtuar nga Guardiola. Emocionet e ligës së kampioneve keni patur mundësi ti ndiqni drejtpërdrejt dhe ekskluzivisht në paketën Tring.